Gibutyag ni Senador Panfilo “Ping” Lacson nga dili solusyon ang pag-recall o ang pagbalik sa General Appropriations Bill (GAB) ngadto sa House of Representatives.
Mao kini ang tubag ni Lacson sa panawagan sa Makabayan Bloc nga ibalik o ipa-recall ang sugyot nga 2027 national budget.
Matud ni Lacson, dili solusyon ang pagbalik sa GAB ngadto sa House of Representatives tungod kay ang maong lakang mamahimo lamang magresulta sa reenacted budget.
Gipadayag usab sa Senador nga kinahanglang susihon pag-ayo sa Senado ang matud pa “fat” sa House-approved budget ug wagtangan gikan niini ang dili kinahanglan nga gasto.
Dugtong niini, miingon usab si Lacson nga mas maayong maghisgut ug magsabot na lamang ang mga kongresista aron sa Bicameral Conference Committe na lang nila ayuhon ang dili pagtukma sa bersyon sa kamara ug Senado.
