Gipatin-aw ni Atty. Pat Trimor sa Trimor Law Office ang kamahinungdanon sa pagsunod sa Konstitusyon sa paghimo ug pag-apruba sa badyet sa gobyerno.
Matod niya, detalyado ang 121-ka-pahinang desisyon sa Korte Suprema tungod sa komplikadong proseso sa pagbadyet ug sa mga probisyon nga naglatid sa hustong paggamit sa pondo sa gobyerno.
Gipasabot ni Trimor nga gisusi sa korte ang proseso sa pagbadyet, lakip ang mga kahuyang nga posibleng mapahimuslan sa sayop nga paggamit sa pondo sa publiko.
Isip tigpanalipod sa Konstitusyon, gipatin-aw sa Korte Suprema ang mga limitasyon ug mga panalipod nga kinahanglang sundon aron masiguro nga subay sa balaod ang proseso sa pagbadyet.
Tumong niini nga masiguro ang transparenteng pagdumala sa badyet, mapalig-on ang pagkamay-tulubagon, ug mapanalipdan ang pondo sa katawhan batok sa posibleng pag-abuso
