Nagplano matud pa ang Senado nga pakunhoran og 2 bilyon pesos ang gisugyot niining badyet alang sa tuig sa 2027, subay sa pagkasinabot ni Committee on Accounts Chairperson Senator Panfilo “Ping” Lacson ug Senate President Sherwin Gatchalian.
Matud ni Lacson, maayo ug tukma sa oras ang gipagawas nga ruling sa Korte Suprema, samtang ila pang gi-repaso ang General Appropriations Bill (GAB) ug gibutyag usab niini nga niadtong milabay nga mga adlaw kay nagkasinabot na sila ni Gatchalian nga pakunhoran ang sugyot nga badyet sa Senado.
Gikan sa gisugyot niining 7.7 bilyon pesos nga badyet, target nila kining ipaubos ngadto sa 5.7 bilyon pesos isip ehemplo sa pagdaginot sa pondo sa kagamhanan.
Galaum usab si Lacson nga mahimong ehemplo ang maong lakang ngadto sa kamara, nga giaghat usab niya nga magpahigayon og susamang lakang taliwala sa panawagan alang sa mas hingpit nga pagsusi sa nasudnong badyet. (raniel mahunyag)
