Kaisa sa GMA chapter ang National Union of Journalists of the Philippines o NUJP sa pagdepensa sa mga peryodista nga gipasakaan og kasong libel ni Congressman Pulong Duterte.
Sumala ni NUJP Secretary General Paul Soriano, igo ra nga nagbuhat sa ilang trabaho ang mga peryodista aron maghatag og tinuod nga impormasyon sa publiko.
Gipahayag usab sa grupo nga kinahanglang gawasnon ang mga tig-balita gikan sa mga pag-atake gamit ang criminal libel tungod kay gigamit ra kini nga hinagiban aron pahilomon ang midya.
Tungod niini, giawhag sa NUJP ang pagpanalipod sa kapundokan aron mapanalipdan usab ang demokrasya ug ang katungod sa katawhan nga makahibalo sa tinuod.
