Nagatoo ang National Union of Journalists of the Philippines o NUJP nga dili kinahanglang muresulta sa pagpakaso og cyber libel si Congressman Paolo “Pulong” Duterte batok sa GMA News.
Sumala ni NUJP Secretary General Paul Soriano, adunay mas makiangayong paagi sama sa pagsulat o pakig-istorya sa istasyon kon adunay reklamo sa gipagawas nga balita.
Gipahayag usab sa opisyal ang ilang kabalaka tungod kay gihimong hinagiban sa mga opisyal sa gobyerno ang libel aron pahilomon ug hadlokon ang mga peryodista sa nasud.
Tungod niini, giawhag sa grupo ang mga lider sa kagamhanan nga ilahi ang pagdumala sa mga reklamo aron mapanalipdan ang gawasnon nga pagbalita sa midya
