Gilagdaan na ni Ombudsman Jesus Crispin “Boying” Remulla ug sa mga miyembro sa Justice Sector Coordinating Council ang usa ka Memorandum of Understanding aron mapalig-on ang kampanya batok sa korapsyon sa nasud.
Gitambongan ang seremonya sa kasabutan ni Supreme Court Chief Justice Alexander Gesmundo ug mga representante gikan sa Department of Justice ug Department of the Interior and Local Government.
Gipalig-on sa maong kasabutan ang koordinasyon ug kolaborasyon tali sa mga ahensya nga adunay papel sa hustisya ug pagpatuman sa balaod.
Gitinguha usab niini nga mapauswag ang episyenteng pagdumala sa mga kaso ug mas mapadali ang paghatag og hustisya sa katawhan.
