Motaas ug moabot sa ₱5 hangtod ₱10 kada kilowatt hour ang presyo sa kuryente sa Mindanao kon hingpit nga matuok sa pribadong kompanya ang Agus-Pulangi Hydroelectric Complex.
Mipadayag sa maong pagtuon si Dr. Melchie Ambalong, ang Chairperson sa Mindanao Power Consumers Federation, human giumol sa ilang Technical Working Group ang mga datos sa gipagawas nga ₱149 billion nga rehabilitation cost ug concessionaire’s fee sa San Miguel.
Gipasabot sa opisyal nga dako kaayo kini nga pagsaka gikan sa kasamtangang ₱2.80 kada kilowatt hour nga singil sa maong planta, diin ipasa ra gihapon ngadto sa mga konsumidor ang maong dako nga gastuhan pinaagi sa pag-aprobar sa Energy Regulatory Commission.
