Andam na ang Police Regional Office 10 sa pagpatuman sa seguridad sa 233 ka mga sementeryo sa tibuok rehiyon alang sa saulog sa Kalag-kalag.
Giklaro ni Police Major Joan Navarro, ang spokesperson sa PRO-10, nga moabot sa 7,000 kapin ka mga personahi ang i-deploy sugod karong Oktubre 30 hangtod Nobiyembre 3.
Gipasabot sa opisyal nga labaw sa 4,000 niini ang purong miyembro sa kapulisan, samtang ang uban gikan sa mga force multipliers ug mga kaubang ahensya sama sa AFP, PCG, ug BFP.
Tungod niini, giawhag sa kapulisan ang publiko sa pagsunod sa mga patakaran aron magpabilin nga hapsay ug luwas ang pagduaw sa mga mitaliwan.
