Gihangyo ni Senate President Sherwin Gatchalian ang mga senator-judges nga paminawon una ang panig sa depensa ug ang mga ebidensyang ipresenta nila sa Nobyembre 9 ayha maghukom sa mga musunod nga lakang sa impeachment trial ni Vice President Sara Duterte.
Mao kini ang gitubag ni Gatchalian sa pangutana bahin sa unsay iyang masulti sa pahayag ni Senador Alan Peter Cayetano nga dili dawaton sa mga senator judges ang itanyag nga posisyon sa pagka-Bise Presidente kon ugaling ma-convict si VP Sara.
Matud pa sa Senador, aron mahimong patas sa respondent kay gikinahanglan una sa mga senator-judges nga paminawon ang ebidensya ug testimonya nga i-presenta sa kampo sa depensa ayha sila maghuna-huna sa ilang musunod nga mga lakang.
Sa laing bahin, nagdumili una ang Senador sa paghatag og komento sa pangutananang aduna bay nagtanyag kaniya nga mahimong Bise Presidente kon ugaling ma-convict si Duterte ug gipasiugda niya nga sa kasamtangan kay nakatutok lamang siya sa proseso sa impeachment trial. (raniel mahunyag)
