Nagpugong sa emosyon si Philippine Air Force spokesperson Colonel Alvin Jay Capinguian samtang gibasa ang opisyal nga pahayag sa PAF kabahin sa pagkamatay sa upat ka piloto nga nalambigit sa banggaay sa duha ka SF-260 trainer aircraft sulod sa Fernando Air Base sa Lipa City, Batangas niadtong Oktubre 23. Namatay ang tanang sakay sa duha ka eroplano human kini nagbangga sa kahanginan atol sa usa ka naandang training flight nga giapilan sa pito ka trainer aircraft. Maoy giyukbuan sila PAF sila si Major David Joshua V. Rojo, First Lieutenant Maria Melvin O. Acebuche, First Lieutenant Reymart F. Cabancala, ug First Lieutenant Angelito Adrian O. Peñaflor tungod sa ilang dedikasyon ug serbisyo sa nasod. Gibisita usab ni PAF Commanding General Lieutenant General Arthur M. Cordura uban sa ubang miyembro sa PAF ang mga haya sa mga namatay nga piloto sa Pasay City ug Batangas aron ipakita ang suporta sa ilang mga pamilya. Gipadayon sa Philippine Air Force ang iyang mga misyon sa depensa, disaster response, cloud-seeding operations, ug joint military training samtang nagpadayon ang pagpasidungog sa sakripisyo sa upat ka aviator
