Dizon, andam nga motestigo pag-usab sa mga kaso batok ni Zaldy Co

Andam nga motestigo pag-usab si Transportation Secretary Vince Dizon sa mga musunod nga trial bahin sa flood control scandal, lakip na niini ang kasong giatubang ni kanhi Ako Bicol Party-list Representative Zaldy Co.

Matud ni Dizon, sundon niya ang bisan usang kinahanglan sa Office of the Ombudsman aron mapadayon ang kasong gipasaka batok sa mga personalidad nga nga nalambigit sa giingong anomaloso nga mga flood control projects.

Mahinumdoman nga katapusang nitestigo si Dizon niadtong Setyembre 23 sa graft case ni Co bahin sa matud pa iregularidad sa usa ka proyekto nga nagkantidad og 289.4 milyon pesos didto sa Naujan, Oriental Mindoro.

Dugtong niini, personal usab nga gisusi ni Dizon ang maong proyekto ug miingon kini nga substandard ang mga gigamit nga sheet pile. (raniel mahunyag)