Presidente Marcos, gipakalma ang publiko sa pagkahagba sa bili sa piso

“Dont panic” mao kini ang pahayag ni Presidente Ferdinand Marcos Jr. aron pakalmahon ang publiko sa hisgutanan sa pagkahagba ug pagkahuyang sa bili sa piso.

Matud sa Presidente, walay angay nga ikabalaka ang publiko ug ang pag-ubos sa bili sa piso kay resulta lamang sa lain-laing hinungdan, lakip na niini ang pagsaka sa presyo sa lana sa tibuok kalibutan ug pagkusog sa dolyar.

Dugang pa sa Presidente, gigamit na sa kagamhanan ang tanan nga mga pamaagi sa panalapi aron matabangan ug madepensahan ang bili sa piso.

Gipasalig sa Presidente nga nagpabilin pa gihapong himsog ang foreign exchange reserve dinhi sa nasud.

Dugtong niini, gipadayag usab sa Presidente ang kumpiyansa niini sa mga pamaagi ug palisiya aron maprotektahan ang bili sa piso. (raniel mahunyag)