Gisumpo sa Malacañang ang mga pasangil nga si Presidente Ferdinand Marcos Jr. ang nagpaluyo sa impeachment proceeding nga giatubang ni Bise Presidente Sara Duterte.
Sa eksklusibong pakighinabi sa Bombo Radyo kang Presidential Communications Office Undersecretary Claire Castro, gipasabot niini nga walay pakialam ang Ehekutibo tungod sa gipatuman nga separation of powers sa gobyerno.
Gipunting sa opisyal nga kinahanglang atubangon sa Bise Presidente ang mga akusasyon ug magpakita og lig-ong ebidensya aron mapamatud-an ang iyang kalimpyo sa katungdanan.
Hagit karon sa Palasyo sa mga supporters nga itugyan sa pormal nga proseso sa Kongreso ang pagpatigbabaw sa kaso.
