Nagsugod na ang lapad nga pagpangandam sa gobyerno sa Cagayan de Oro alang sa pagsaulog sa Kalag-Kalag subay sa gipagawas nga opisyal nga mando sa dakbayan.
Sumala ni CDRRMD Head Nick Jabagat, gipakatap na ang mga security, traffic, ug medical teams sa 20 ka pampubliko ug pribadong sementeryo lakip na sa mga terminal ug pantalan.
Gipunting sa opisyal nga magpabilin gihapon ang 6:00 sa buntag hangtod 10:00 sa gabii nga pag-abli sa mga sementeryo diin istrikto usab nga gidili ang pagdala og ilimnong makahubog.
Hagit karon sa disaster office sa mga bisita nga likayan ang pagbisita sa udto aron dili maapektohan sa taas nga kainit sa adlaw
