Gimanduan ni Pangulong Ferdinand Marcos Jr. ang mga hingtundang ahensya sa gobyerno nga masiguro ang malinawon, luwas, ug organisadong pagsaulog sa Undas 2026 samtang gilauman ang pagdagsa sa mga biyahero ug molupyo sa mga sementeryo.
Miingon si Marcos nga gipalig-on sa Department of Transportation ug ubang ahensya ang inspeksyon sa mga paliparan, pantalan, terminal sa bus, ug mga nag-unang karsada aron masiguro ang kahapsay sa biyahe sa publiko.
Gitugotan sa LTFRB ang kapin sa usa ka libo ka special permits alang sa dugang nga mga bus, samtang nag-andam usab ang Marina og mga permit ug relaxation orders aron madugangan ang biyahe sa mga pampasaherong barko gikan Oktubre 29 hangtod Nobyembre 3.
Ang presidente mi-ingon nga gitanyag usab ang round-the-clock help desks sa mga dagkong terminal ug gipakatap ang kapin sa 2,000 ka MMDA personnel alang sa pagdumala sa trapiko ilabina sa mga lugar duol sa sementeryo.
Sa katapusan sa iyang mensahe, si Presidente Marcos, nanigurado nga alerto ang tanan ahensya sa gobyerno sama sa mga ospital, health emergency teams, pulisya, ug Bureau of Fire Protection aron dali makatubag sa bisan unsang emerhensiya atol sa paggunita sa Undas.
