Gisugdan na karong adlawa ang libreng sakay samtang giharangan batok sa mga pribadong sakyanan ang sulod sa City Memorial Park sa Bolonsori, Cagayan de Oro.
Gibutyag ni City Information Officer Jade Adeser nga magpadayon ang libreng sakay gikan alas-6 sa buntag hangtod alas-5 sa hapon diin hatagan gyud og prioridad ang mga PWDs, senior citizens, mabdos, ug mga bata.
Gipasabot sa opisyal nga ang mga red-plate lamang nga sakyanan sa Incident Management Team ang pwedeng makasulod aron mapugngan ang grabeng kahuot sa trapiko.
Busa, gipahimangnoan sa kagamhanang lokal ang tanang mobisita nga magbaklay na lamang sa entrance ug motahod sa gipagawas nga patakaran sa dakbayan.
