Giabiabi ni Pope Leo XIV ang mga koponan sa basketball sa kalalakin-an ug kababayin-an sa Villanova University, diin siya migraduwar, ug sa ilang kaatbang nga University of Notre Dame atol sa panagtapok sa Paul VI Audience Hall sa Vatican niadtong Sabado, Oktubre 31.
Mitambong sa maong kalihokan ang mokabat sa 7,000 ka magdudula, bisita ug tigpaluyo gikan sa duha ka unibersidad, diin nagpakita ang Santo Papa sa iyang personal nga koneksiyon sa Villanova apan nagpabiling neutral isip Santo Papa.
Nahitabo ang panagtapok usa ka adlaw sa wala pa ang Eternal City Tip-Off, diin mag-atbang ang mga koponan sa kalalakin-an ug kababayen-an sa duha ka unibersidad sa Palazzo dello Sport sa Roma.
Sa iyang mensahe, gipahinumdoman ni Pope Leo XIV ang mga magdudula ug tigpaluyo nga bisan pa sa ilang panag-indigay, dili angay isipon nga mga kaaway ang kaatbang nga koponan. (raniel mahunyag)
