Nagpakita og talagsaong pasundayag ang rookie forward nga si Yaxel Lendeborg human nagtala og 31 ka puntos ug 12 ka rebounds aron giyahan ang Golden State Warriors sa 134–114 nga kadaugan batok sa Denver Nuggets.
Ang maong kadaugan mao ang unang daog sa Warriors sa season ug nakalikay sa ilang unang 0–4 nga pagsugod sukad sa 2007–2008 nga season, samtang nakarekord ang koponan og 54.1 porsiyentong shooting gikan sa field ug nakasulod og 22 sa 44 ka three-point attempts.
Si Stephen Curry midugang usab og 24 ka puntos, diin 21 niini iyang nakuha sa second half, ug nakahimo sa tanang walo niyang field-goal attempts aron matabangan ang Golden State nga palapdan ang ilang labaw sa iskor.
Sa bahin sa Denver, si Nikola Jokić nagtala og 19 ka puntos, pito ka rebounds ug 11 ka assists sa wala pa siya gipulihan sa nahibiling 3 minutos ug 33 segundos sa duwa, diin nabiyaan na ang Nuggets og 21 ka puntos. (raniel mahunyag)
.jpg "Usec. Castro, gipamugos nga premature ang hisgutanan sa paghulip kang VP Sara")
