Gikumpirma sa mga awtoridad sa Michoacán, Mexico, ang pagkadiskobre sa avocado seed weevil, usa ka peste nga makadaot sa abokado, sulod sa mga kargamento sa abokado nga gitagana unta alang sa eksportasyon.
Isip lakang sa pagpugong sa pagkaylap niini, milaglag ang mga prodyuser og hangtud sa 52 ka toneladang abokado sa mga estado sa Michoacán, Jalisco, Colima ug Nayarit sa miaging katapusan sa semana.
Gipahigayon ang operasyon subay sa mga nasudnong pamaagi sa pagkontrol ug pagwagtang sa peste, uban sa suporta sa National Service for Agrifood Health, Safety and Quality (SENASICA) sa Mexico.
Sumala sa mga opisyal, napugngan ang mga kargamento nga gituohang apektado sa peste sa wala pa kini makaabot sa merkado, samtang wala pa matino ang kinatibuk-ang epekto niini sa ekonomiya. (raniel mahunyag)
