Gipasiugda ni Senador Francis “Kiko” Pangilinan ang hugot nga pagbantay ug pagpahamtang og tukmang silot sa mga hoarder, mapahimuslanon sa presyo sa kartel sa pagkaon atubangan sa hulga sa grabeng El Niño nga mamahimong magpakunhod sa produksyon sa agrikultura ug magpataas sa mga nag-unang palaliton.
Isip Chairman sa Senate Committee on Agriculture, nanawagan si Pangilinan ngadto sa Department of Trade and Industry (DTI), Department of Agriculture (DA), Price Coordinating Council (PCC) ug uban pang hingtungdang ahensya nga pakusgon ang pagpaniid sa mga merkado ug sigurohong mapatuman ang price freeze sa mga dapit nga gideklarang anaa sa state of calamity.
Sa ubos sa Republic Act 7581 o Price Act, nga giamendaran sa Republic Act 10623, otomatikong ipatuman ang price freeze sa mga lugar nga gideklarang anaa sa state of calamity.
Gihatagan usab og gibug-aton sa senador nga angay imbestigahan og pasakaan og kasong kriminal ug administratibo ang mga indibidwal ug kompanyang malambigit sa pagtago sa suplay, pagpahimulos sa presyo ug manipulasyon sa merkado.
Dugtong niini, gihingusgan usab sa senador nga dili lamang ang gapamaligya ang angay manubag, apan lakip na usab niini ang tag-iya sa mga dagkong negosasyon nga nagpaluyo sa mga sindikato. (raniel mahunyag)
