Nagpahinumdom si Joanna Korner, ang presiding judge sa International Criminal Court (ICC), nga bisan gitugotan sa korte si kanhi Presidente Rodrigo Duterte nga dili motambong sa ikalima ug katapusang status conference kagahapon, gikinahanglan siyang motungha sa matag adlaw nga pagdungog sa iyang kaso sa higayon nga magsugod na ang pormal nga husay.
Nahuman niadtong Nobyembre 2 ang katapusang status conference diin gihinabi sa hukmanan ug sa mga partido ang mga pamaagi ug preparasyon alang sa trial nga opisyal nga magsugod sa Nobyembre 30.
Gipasalig sa lead defense counsel nga si Peter Haynes ang chamber nga motuman si Duterte sa mando sa korte ug motambong sa umaabot nga mga pagdungog.
Gihisgutan usab sa komperensya ang talaan sa mga testigo, presentasyon sa ebidensiya, oras nga igahin sa prosekusyon, ug ubang legal nga mga kahikayan alang sa husay.
Giatubang ni Duterte ang mga kasong crimes against humanity nga nalambigit sa mga gipatay atol sa kampanya kontra droga sa iyang administrasyon
