Gipasabot ni Atty. Rameses “Ram” Victorius Villagonzalo, miyembro sa ICC List of Counsel, nga ang gagmayng mga hagit ug limitasyon sa proseso kinahanglang antuson aron mapadayon ang husto ug patas nga paglihok sa sistema sa hustisya.
Gitataw usab niini ang kamanduan sa mga huwes sa International Criminal Court (ICC) sa The Hague kalabot sa paggamit sa pinulongang tagalog sa opening statements atol sa pagdungog sa kaso.
Giklaro niini nga bisan adunay mga kahigayunan nga mahimong tugotan ang paggamit sa ubang pinulongan, normal lamang nga tinguhaon sa mga partido nga mapadayag ang ilang mensahe o opening statement sa english ug masabtan sa mga Pilipino.
Gihisgutan usab nga limitado lamang sa 15 hangtod 20 minutos ang maong opening statements, hinungdan nga importante ang epektibong pagpahayag sa mga argumento ug mensahe.
Gidesisyunan sa trial chamber nga himuon nga full English ang tanang opening statements isip kabahin sa mga pamaagi nga sundon sa umaabot nga pagdungog sa kaso.
