PBBM walay gi-atubang nga babag sa partisipasyon sa China sa ASEAN Defence Ministers’ Meeting (ADMM-Plus)

Gitin-aw sa Malacañang nga walay gibutang nga babag ang administrasyon ni Pangulong Ferdinand Marcos Jr. batok sa partisipasyon sa China sa ASEAN Defence Ministers’ Meeting (ADMM-Plus) nga gipahigayon sa Cebu niaging semana.

Gisalikway ni Presidential Communications Office Undersecretary Claire Castro ang alegasyon sa Beijing nga gigamit sa Pilipinas ang iyang posisyon aron pugngan ang pag-apil sa China sa maong tigom.

Gipasabot ni Castro nga dili batasan sa administrasyon ang paggamit sa gahum aron makalamang o makapahamtang og disbentaha sa laing nasud.

Giila usab sa Palasyo nga nakatambong gihapon ang China pinaagi sa ilang Defense Attaché sa Pilipinas nga si Senior Captain Yang Lei, nga nakahatag sa iyang komento ug mensahe atol sa pulong.

Gipamugos sa gobyerno nga ang forum nagpabiling bukas alang sa tanang partisipante ug nga ang China nahatagan sa oportunidad sa pagpahayag sa iyang posisyon sa mga isyung pangdepensa sa rehiyon