Gipanghimakak sa Malacañang ang alegasyon sa China nga nagbutang ang Pilipinas og mga babag sa pagsalmot niini sa ASEAN Defence Ministers’ Meeting nga gipahigayon sa Cebu niadtong niaging semana.
Matud ni Presidential Communications Office Undersecretary Claire Castro, wala gigamit ni Presidente Ferdinand Marcos Jr. ug sa administrasyon ang ilang gahum aron makalabaw o makababag sa ubang nasud.
Dugang pa ni Castro, wala nila gidid-an ang China sa pagsalmot sa maong kalihukan, diin girepresenta sila ni Chinese Defense Attaché to the Philippines Senior Captain Yang Lei nga nahatagan og higayon nga magpadayag sa komento ug mensahe sa China atol sa maong panagtigum. (raniel mahunyag)
