Gisiguro ni Cagayan de Oro City Mayor Rolando “Klarex” Uy nga dili pasagdan sa lokal nga kagamhanan ang nagasingabot nga hulga sa Super El Niño sa dakbayan.
Namahayag ang mayor atol sa Flag Raising Ceremony sa City Hall nga dakong kaakuhan ug tulubagon sa LGU nga mangandam og sayo alang sa mga mag-uuma, mananagat, ug sa tanang katawhan sa dakbayan.
Dugtong pa sa amahan sa dakbayan nga hugot niining ginatun-an pinaagi sa CDRRMD ang heat index aron maprotektahan ang panglawas sa publiko, ilabi na ang mga nagtungha nga kabataan.
Gumikan niini, nanawagan ang mayor sa pakig-usa ug pagtinabangay sa tanan aron masagubang ug malampuson nga mabatokan ang epekto sa hulaw sa syudad.
