Nagtala og pagkunhod sa gidaghanon sa mga pasahero ug biyahe sa eroplano ang mga tugpahanan sa Rehiyon 10 sa bag-o lang nahuman nga Undas 2026 kumpara sa miaging tuig.
Subay sa datos sa Aviation Security Unit-10 pinaagi kang Assistant Chief Police Lieutenant Colonel Mardy Hortillosa II, miabot lamang sa 54,799 ang ihap sa mga pasahero karong tuiga, mas ubos og kapin walo ka libo o dose porsyento gikan sa 63,328 ka mga pasahero niadtong tuig 2025.
Miusos usab ngadto sa 438 ang kinatibuk-ang biyahe sa eroplano gikan sa 520 ka flights sa miaging tuig.
Gitudlo sa mga autoridad nga ang pagsaka sa presyo sa lana ug gasolina ang usa sa mga pangunang hinungdan sa pagkunhod sa mga nagbiyahe.
