Miabot sa kapin usa ka gatos siyam ka pulo’g upat ka libo nga mga pamilya sa Northern Mindanao ang gi-kunsiderar nga kabus o ubos sa poverty threshold sa tuig 2025.
Sa pakighinabi sa Bombo Radyo kang Jenelyn Las Pobres, Senior Statistical Specialist sa Philippine Statistics Authority o PSA Region 10, gipasabut niini nga miabot sa 14.4 porsyento ang poverty incidence sa mga pamilya sa rehiyon.
Sa mga probinsya, ang Bukidnon ang nag-una nga adunay 84-libo ka kabus nga pamilya, gigukod sa Misamis Oriental nga adunay 53-libo, ug Lanao del Norte nga adunay 43-libo.
Samtang sa mga highly urbanized cities, nagtala ang Cagayan de Oro og 10-libo ka kabus nga pamilya ug 7-libo sa dakbayan sa Iligan.
