Magpabilin sa lima ka tuig ang termino sa mga opisyal sa barangay ug Sangguniang Kabataan (SK) human gipamatud-an sa Korte Suprema ang konstitusyonalidad sa maong balaod nga nagpalugway sa ilang paglingkod sa katungdanan.
Gibasura sa Korte Suprema ang petisyon ni election lawyer Atty. Romulo Macalintal batok sa Republic Act No. 12326, nga amyenda sa kaniadtong upat ka tuig nga termino sa mga napiling opisyal sa baranggay ug SK.
Sa desisyon nga gisulat ni Associate Justice Rodil Zalameda, gipatin-aw sa Korte Suprema nga ang maong balaod kay nagtakda sa kataas sa pagpangatungdanan sa mga opisyal ug dili lamang basta nag-oktaba sa piniliay.
Tungod niini, ipahigayon ang sunod nga Barangay ug Sangguniang Kabataan Elections (BSKE) sa Nobyembre 2028, diin pagkahuman niini kay ipahigayon na matag lima ka tuig ang musunod nga mga piniliay.
Mahinumdoman nga gipirmahan ni Presidente Ferdinand Marcos Jr. ang RA 12326 niadtong Setyembre 24, 2026 nga nagtakda nga mahimong lima ka tuig ang termino sa mga opisyal sa barangay ug SK, hinungdan na naoktaba ug nabalhin ang gilaumang piniliay karong Nobyembre 2026 ngadto sa Nobyembre 2028. (raniel mahunyag)
