21 sa 24 ka mga testigo ang gustong i-presnta sa kampo ni Vice President Sara Duterte sa impeachment trial ang natunolan na og subpoena isip pagpangandam sa pagpadayon sa mga pagdungog karong Nobyembre 9 hangtud 13.
Gikumpirma kini ni Senate Secretary at Impeachment Clerk of Court Renato Bantug Jr., nga mipahayag nga ang nahibiling tulo ka subpoena kay ipasaka karong Lunes, Nobyembre 9.
Gilauman nga magsugod sa maong adlaw ang presentasyon sa depensa, diin ipresenta ang mga testigo alang sa direktang pagpangutana sa kampo sa depensa sa Bise Presidente, cross-examination sa prosekusyon, ug pagpangutana sa mga senator-judges.
Mahinumdoman nga 24 na lang ka testigo ang nahibilin sa listahan sa depensa human miatras si Dean Ralph Sarmiento, nga una nang lakip sa mga gusto nilang ipatawag.
Ang pagserbisyo sa subpoena kay kabahin sa pagpangandam sa pagdungog aron masiguro ang pag-atubang sa mga testigo nga kinahanglang motambong sa impeachment court. (raniel mahunyag)
