Gitawag ni Kanhi Senador Antonio Trillanes IV nga palusot ang pasidaan ni Interior Secretary Jonvic Remulla nga posibelng moabot matud pa sa napulo ka libo nga tawo ang posibleng mamatay kon ugaling pugsanong ipatuman ang pagsikop kang Senador Ronald “Bato” dela Rosa.
Mipahayag si Trillanes ng daw gigamit lamang matud pa ni Remulla ang posibleng dugoong panag-atbangay isip rason nga wala pa mapatuman ang warrant of arrest batok sa senador.
Gipasiugda sa kanhi magbabalaod nga isip kalihim sa Department of the Interior and Local Government nga nagdumala sa Philippine National Police (PNP), nga dili matud pa angay nga dunay dapit sa nasud nga dili kayang adtoan sa mga awtoridad aron tumanon ang ilang katungdanan.
Wala usab gituohan ni Trillanes nga dunay armadong grupo nga tinuod nga makababag sa operasyon sa kagamhanan aron masikop si dela Rosa.
Matud ni Trillanes, walay major armed group nga nagprotekta sa senador ug ang dapit lamang nga gitaguan niini kay anaa ubos sa impluwensya sa usa ka iladong political warlord.
Bisan pa niana, gipamugos ni Trillanes nga wala kini nagpasabot nga babagan sa maong personalidad o grupo ang operasyon sa kagamhanan tungod kay matud pa lahi na ang mahimong sitwasyon kung ang Philippine National Police (PNP) ug Armed Forces of the Philippines (AFP) na ang mopahigayon sa operasyon. (raniel mahunyag)
