Gilusad sa House Committee on Suffrage and Electoral Reforms niadtong adlawng Huwebes, Nobyembre 5, ang usa ka public consultation didto sa Caraga State University mahitungod sa gisugyot nga New Party-list System Act nga nagtinguha nga mapalig-on ang accountability, transparency, ug tinuod nga representasyon sa sektor sa Kongreso.
Ang maong panagtigum kay gipangunahan ni House Committee on Suffrage and Electoral Reforms Chairman ug Lanao del Sur Representative Zia Alonto Adiong nga nag-ingon nga tinguha sa maong sugyot nga reporma kay ang pagtubag sa dugay na nga mga pangutana mahitungod sa sistema sa party-list ug sa pagsiguro usab nga ang mga lingkoranan sa Kongreso nga gitagana alang sa mga marginalized ug underrepresented nga mga sektor kay moalagad sa ilang gitinguha nga mga benipisyaryo.
Matud ni Adiong, panahon na aron susihon ang kasamtangang sistema aron masiguro nga ang mga pwesto sa party-list kay mapadulong sa mga tinuod nga nagrepresentar ug nagpasiugda sa interes sa ilang sektor.
Gitapos sa Kongresista ang maong panagtigum sa pagahatag og gibug-aton sa tinuod nga kahulogan sa demokrasya, diin matud pa kaniya dili lamang kini mahuitungod sa paghatag og katungod sa pagbotar, apan mahitungod usab kini sa pagsiguro nga ang pagbotar sa katawhan kay maghatag kanila og tingog aron hingpit sila nga madungog sa kagamhanan. (raniel mahunyag)
.jpg "Usec. Castri, gipamugos nga ang pagpang-apod-apod sa kasamtangang administrasyon sa mga pondo ug hinabang ngadto sa mga LGU kay walay gipihigan")
