Pormal na nga nanumpa si Associate Justice Rodil V. Zalameda isip ika-28 nga Chief Justice sa Korte Suprema sa gipahigayong oath-taking ceremony sa Supreme Court En Banc Session Hall kagahapong adlawa, Nobyembre 6, 2026.
Gipangunahan ni Senior Associate Justice Marvic Leonen ang pagpanumpa ni Zalameda human siyang opisyal nga mapili ni Presidente Ferdinand Marcos Jr. sa pinakataas nga posisyon sa hudikatura sa nasud.
Hulipan sa bag-ong lider sa Korte Suprema si Kanhi Chief Justice Alexander Gesmundo nga pormal nang nagretiro kagahapong adlawa human sa iyang gitaganang panahon sa pagserbisyo sa Korte Suprema.
Sa wala pa ang iyang bag-ong katungdanan, unang misulod sa Korte Suprema si Zalameda isip Associate Justice niadtong Agosto 6 2019, human kining gitudlo ni kanhi Presidente Rodrigo Duterte sa maong pwesto.
Nagserbisyo usab siya isip Associate Justice sa Court of Appeals sa sulod sa 11 ka tuig, diin iyang gipangulohan ang 17th Division niini ug aduna usab kini kasinatian isip Branch Clerk of Court sa Regional Trial Court sa Makati.
Nagsugod ang iyang taas nga karera sa public prosecution niadtonng tuig sa 1995 hangtud sa matudlo kini isip City prosecutor niadtong 2002, sunod sa lima ka tuig nga pribadong pagpraktis sa pagka-abogado gikan sa tuig sa 1990 hantud sa 1995.
Nahuman si Zalameda og Bachelor of Laws sa Ateneo de Manila University niadtong tuig sa 1987 ug nipasar sa Bar Examinations niadtong 1988, gilaumang pangulohan niya ang hudikatura nga dunay lig-on nga integridad ug dedikasyon sa hustisya. (raniel mahunyag)
.jpg "Usec. Castri, gipamugos nga ang pagpang-apod-apod sa kasamtangang administrasyon sa mga pondo ug hinabang ngadto sa mga LGU kay walay gipihigan")
