Ipagawas na ni City Mayor Rolando ‘Klarex’ Uy ang lima ka porsyento nga Barangay Risk Reduction Fund aron magamit sa mga Barangay kapitan batok sa hulga sa ting-hulaw.
Namahayag si Acting City Information Officer Jade Adeser nga gitagaan og katungod ang matag barangay nga gamiton ang pondo subay sa tagsa-tagsa ka panginahanglan sa syudad man o sa kabukiran.
Nangandam usab ang Agricultural Progress Office sa pagpang-apod-apod og mga libreng seedlings ug binhi alang sa mga mag-uuma nga unang maigo sa hulaw.
Gihangyo usab sa opisyal ang publiko nga kanunay nga magsubay sa mga opisyal nga balita ug magdaginot sa paggamit sa tubig.
