Gimandoan sa usa ka huwes sa Paraguay niadtong Sabado, Nobyembre 7, 2026, nga ibutang sa pretrial detention sa usa ka pasilidad militar si kanhi Presidente Santiago Peña samtang nagpadayon ang imbestigasyon kalabot sa giingong koneksiyon niya sa pagkapukan sa digital bank nga Ueno.
Nahitabo kini usa ka adlaw human siya gitangtang sa pagkapresidente pinaagi sa impeachment sa Senado, nga misangpot sa pagpuli ni kanhi Bise Presidente Pedro Alliana aron humanon ang iyang nahibiling termino hangtud Agosto 2028.
Giakusahan si Peña sa mga prosecutor og breach of trust ug administration for personal gain tungod sa alegasyon nga gigamit niya ang iyang posisyon aron impluwensiyahan ang mga ahensya sa gobyerno ug mga korporasyong gipanag-iyahan sa estado nga magpadayon sa pagdeposito og dagkong kantidad sa pondo sa publiko sa Ueno bisan pa sa iyang kanhing pinansiyal nga interes sa kompanyang tag-iya niini.
Gipanghimakak ni Peña ang maong mga alegasyon ug mibarug nga dili siya sad-an, samtang ang iyang abogado nga si Ricardo Preda mipahayag nga motuman sila sa imbestigasyon ug nagpaabot nga ibasura ang kaso human niini. (raniel mahunyag)
