Migahin ang Department of Budget and Management (DBM) og 82.9 bilyon pesos alang sa year-end bonus ug cash gift sa mga kwalipikadong kawani sa gobyerno.
Makadawat ang matag kwalipikadaong empleyado og bonus nga katugbang sa isa ka bulang basic salary ug 5,000 pesos nga cash gift.
Sumala sa DBM, 73.449 bilyon pesos ang gigahin alang sa bonus, samtang 9.549 bilyon pesos usab ang alang sa cash gift sa mga kwalipikadong empleyado.
Matud ni DBM Secretary Kim Robert C. De Leon, naapod-apod na ang pondo ngadto sa mga ahensya ug angay nga madawat sa mga kawani ang benepisyo dungan sa ilang unang sweldo sa bulan sa Nobyembre.
Kwalipikado niini ang mga kawani nga nakatrabaho og dili moubos sa upat ka bulan o 120 ka adlaw gikan Enero 1 hangtud sa Oktubre 31, 2026 sa national ug local government.
Dugtong niini, gipadayag ni De Leon nga dako nang tabang alang sa mga kawani ug sa ilang mga pamilya ang maong bonus ilabi na nga nagkaduol na ang holiday season. (raniel mahunyag)
