Gipadayag ni Iglesia Filipina Independiente Opol Parish Priest Father Jong Abejo nga kinahanglang seryosohon sa gobyerno ang pagpahunong sa mga illegal nga pagmina nga nagtago lang sa permit sa quarrying.
Nasundan kini human gihimoan og raid sa kapulisan ug Mines and Geosciences Bureau ang usa ka minahan sa Barangay Tuburan, Cagayan de Oro niadtong Byernes diin dul-an kwarenta y singko milyones ka pesos nga kagamitan ang nasakmit.
Gipasabot sa pari nga bisan pa man og giingong panginabuhian kini sa pipila, mas dako ang kadaot ug peligro sa pagkahugno sa yuta nga dad-on niini sa komunidad.
Busa pahinumdum sa lider sa simbahan nga katungdanan sa katawhan ug sa kagamhanan ang pagpanalipod sa kinaiyahan alang sa umaabot nga henerasyon.
