Gidawat ug gisuportahan sa Iglesia Filipina Independiente ang gipagawas nga moratorium sa Mines and Geosciences Bureau batok sa mga minahan sa lungsod sa Opol ug sa Iponan River.
Gipahayag ni IFI Opol Parish Priest Father Jong Abejo nga maayo kini nga tikang labina nga gibutyag sa kapulisan nga usa ka Insik ang giingong nagpondo sa nasakpang illegal nga minahan sa Tuburan niadtong Byernes.
Gipasidaan sa pari nga dili angay ibaligya ang mga mineral sa nasud ngadto sa mga langyawng mga negosyante tungod kay ang komunidad ug ang sumusunod nga henerasyon ang mag-antus sa kaulahian.
Gihangyo usab sa lider sa simbahan ang gobyerno nga maghatag og tinuod nga suporta sa agrikultura aron dili na magdepende sa pagmina ang mga mag-uuma ug lumad.-
