Naghinaot si kanhi Cagayan de Oro City Mayor ug Law Professor Oscar Moreno nga nakakuha og dakong leksyon ang mga Pilipino sa resulta sa US midterm elections diin napanalipdan sa mga botante ang ilang prinsipyo.
Gipasabot sa kanhi mayor nga usa ka maayong ehemplo ang kadaugan sa Democrats batok sa pagdumili sa mga Amerikano nga masilaw sa tanyag nga dakong salapi ug mga pasikat nga pasalig sa pulitika.
Dugtong pa ni Moreno nga sa matag baligya sa boto, dili lang salapi ang gihisgotan kundi ang mismong kaugmaon sa nasud ug ang sovereign power sa katawhan.
Busa gipahinumdum sa abogado nga angay panaminan kini sa mga botanteng Pilipino aron maprotektahan ang matinuorong pagpili og lider sa nasud.
