Gipadayag ni House Committee on Appropriations Senior Vice Chairperson ug Bataan 2nd District Representative Albert Reymond Garcia nga gihatagan og gibug-aton ni House Speaker Faustino “Bojie” G. Dy III nga dili niini tugotan ang mga ghost projects ubos sa iyang liderato.
Matud ni Garcia, duna na silay mga lakang aron masiguro nga mahimong transparent ang budget deliberation alang sa 2027 national budget.
Gibutyag usab sa kongresista nga gibuksan nila ang proseso sa badyet ngadto sa pagsusi sa publiko pinaagi sa pag-livestream sa mga pagdungog, public budget portal, ug pormal nga pagrepaso sa mga ammendments.
Dugtong niini, gipasalig usab sa kongresista nga ilang paningkamotan nga mahimong transparent, accountable, ug mabati sa katawhan ang badyet pinaagi sa kalamboan sa ilang kinabuhi. (raniel mahunyag)
