Gipahayag ni Ukrainian President Volodymyr Zelensky ang iyang kalipay sa mga mensaheng iyang nadawat gikan sa mga envoy ni US President Donald Trump nga sila si Jared Kushner ug Steve Witkoff kalabot sa mga paningkamot nga masulbad ang kapin upat ka tuig ug tunga nga gubat tali sa Ukraine ug Russia.
Gihimo niya ang maong pahayag human sa panagtagbo uban sa mga lider sa Nordic sa Denmark, samtang natapos ang unang adlaw sa mga panaghisgot tali sa Ukraine, Russia ug Estados Unidos nga gipasiugdahan sa administrasyong Trump didto sa Abu Dhabi.
Gipasiugda ni Zelensky nga kinahanglan unang tapuson ang gubat sa Ukraine, ikaduha ang paghatag og garantiya sa seguridad alang niini, ug ikatulo ang paghisgot sa mas lapad nga gambalay sa seguridad sa Uropa.
Lahi kini sa baroganan ni Russian Foreign Minister Sergei Lavrov, kinsa miingon nga mas angay unang hisgutan ang umaabot nga gambalay sa seguridad sa Uropa sa dili pa sulbaron ang panagbangi tali sa Russia ug Ukraine. (raniel mahunyag)
