Gipamugos ni House private prosecutor Atty. Lorna Kapunan nga dili ang ikaupat nga testigo sa depensa ang dunay katakus aron motubag sa pangutana mahitungod sa nawala nga mga stockholders sa Gencorp Industries Inc. sa 2022 General Information Sheet (GIS) niini.
Nahitabo kini sa dihang gipangutana sa depensa ang ikaupat nilang testigo nga si Atty. Suzette Balucanag-Punay mahitungod sa nawalang mga stockholders sa dokumento sa maong kompanya ug kung sakto ba ang mga impormasyon basi sa iyang personal nga kahibalo ug sa corporate records niini.
Matud ni Kapunan, si Balucanag-punay kay dili mao ang saktong tawo nga angayang motubag sa maong pangutana tungod kay dili siya ang kalihim sa maong kompanya.
Sumala sa prosekusyon, ang kalihim sa kompanya ang angayang gipresenta sa depensa aron motubag sa pangutana bahin sa mga impormasyon sa GIS sa Gencorp niadtong tuig sa 2022. (raniel mahunyag)
