Gipanalipdan ni Presidential Communications Undersecretary ug Palace Press Officer Claire Castro si Presidente Ferdinand Marcos Jr. batok sa pasangil ni BAYAN President Renato Reyes nga nag-antos ang katawhan tungod lang sa giingong “vanity” o pagpapogi sa pangulo alang sa 49th Association of Southeast Asian Nation (ASEAN) Summit.
Gisumbalik ni Castro ang pangutana kang Rey kung pangulo ba ang nagpatahom sa iyang kaugalingon, ug giklaro nga ang tibuok Pilipinas ang ilang gipatahom aron makita sa ubang mga nasod nga kasaligan ug angay butangan og investments ang atong nasud.
Giawhag usab sa opisyal sa Palasyo ang mga kritiko nga dili ipahid sa Presidente ang mga pasangil nga walay igong basehanan.
Gitataw ni Castro nga ang tinuod nga tumong sa administrasyon mao ang pagpalambo sa nasod ug ang kaayohan sa matag Pilipino alang sa umaabot nga 49th ASEAN Summit karong Nobyembre 15 hangtod 17.
