Patay ang 14 ka tawo ug daghan ang samaran human ang karambola sa pipila ka sakyanan sa Fujairah, United Arab Emirates.
Sumala sa interior ministry sa UAE, nawad-an og kontrol ang usa ka truck ug mibangga kini sa pipila ka sakyanan.
Moabot sa 23 ka mga sakyanan ug lima ka truck ang nalakip sa maong insidente.
Tungod sa grabeng panagbangga kay nasunog pa ang mga truck.
Gidala usab sa mga balay tambalanan ang 38 ka tawo, samtang gipailalom sa DNA test ang mga biktima aron mailhan ang ilang identidad.
Kadaghanan sa mga biktima kay Emirati national, samtang dunay pipila ka Indian.
Sa kasamtangan, nagpadayon pa gihapon ang imbestigasyon sa mga otoridad bahin sa giingong insidente. (raniel mahunyag)
