Gitahasan ni Presidente Ferdinand Marcos Jr. ang Bases Conversion and Development Authority (BCDA) nga padalion ang pagpalambo sa mga economic hub sa nasud aron makadani og daghang investments, negosyo, ug trabaho alang sa mga pilipino.
Matud sa bag-ong Presidente ug Chief Executive Officer sa BCDA nga si kanhi Customs Commissioner Ariel F. Nepomuceno, tin-aw ang gustong mahitabo ni Presidente Marcos nga siguradohong makamugna kini og liboan nga mga trabaho alang sa mga katawhang Pilipino.
Dugang pa ni Nepomuceno, gatuo ang Presidente sa nasud nga ang pagpalambo sa economic hub kay mag-abli og daghang oportunidad alang sa negosyo, trabaho, ug paglambo sa komunidad.
Gipasalig usab ni Nepomuceno nga buhaton niya ang tanan aron matabangan ang katawhan sa nasud.
Gilauman nga totukan ni Nepomuceno ang nag-uang proyekto sa BCDA, lakip niini ang New Clark City nga tumong nga mapalambo isip nag-unang business district nga matandi sa Bonifacio Global City. (raniel mahunyag)
