Halos musayaw sa kalipay si First Lady Liza Araneta-Marcos dihang gipasunata ang Pilipino nga musika atol sa mainitong pagsugat kang Brazilian President Luiz Inácio Lula da Silva sa Philippine International Convention Center (PICC).
Ang maong kalihokan kabahin sa opisyal nga pag-abot sa lider sa Brazil alang sa iyang duha ka adlaw nga state visit sa Pilipinas.
Init nga gidawat sa First Couple nga sila President Ferdinand Marcos Jr. ug Liza Araneta-Marcos si Lula sa pagsugod sa opisyal nga mga kalihokan sa iyang pagbisita.
Gipalig-on sa state visit ang relasyon tali sa Pilipinas ug Brazil, ilabina sa mga larangan sa pamuhunan, agrikultura, enerhiya, siyensya ug teknolohiya. Ang maong makasaysayanong pagbisita ni Lula maoy unang state visit sa usa ka naglingkod nga presidente sa Brazil sa Pilipinas ug nahiuyon sa ika-80 nga anibersaryo sa diplomatikong relasyon sa duha ka nasud.
.jpg "Usec. Castro, gipatin-aw nga bahin sa legal nga proseso ang extradition warrant batok kang Pastor Apollo Quiboloy")
