Gikwestyon ni kanhi PHIVIDEC Industrial Authority Administrator Pompee La Viña ang dagan sa impeachment trial batok kang Bise Presidente Sara Duterte diin gipadayag sa kanhi opisyal nga nagtuyoktuyok lamang ang istorya sa mga pagdungog.
Sa interbyu sa Bombo Radyo, gibutyag ni La Viña nga pipila sa mga senator judges ang daw nahimo na hinuong mga prosecutor nga nagtutok sa mga tsismis imbes nga magsilbing patas nga maghuhukom.
Dugtong sa kanhi opisyal nga nag usik lamang og panahon ug pondo sa gobyerno ang maong husay nga unta angay igahin sa pagsulbad sa pagsaka sa presyo sa lana, inflation, ug epekto sa El Niño nga giatubang sa mga Pilipino.
Gipasabot usab ni La Viña nga dili angay sayonsayonon ang impeachment tungod kay nagpasabot kini sa pagbaliwala sa tingog sa kapin 32 milyones ka mga botante nga nagbutang sa bise presidente sa katungdanan.
.jpg "Palasyo, gipatin-aw ang rason sa pagbalhin sa mga opisyal sa gabinete sa administrasyong Marcos")
