Gibutyag ni Presidente Ferdinand Marcos Jr. nga gikonsiderar sa mga lider sa Association of Southeast Asian Nations (ASEAN) ang pag-oktaba sa 48th ASEAN Summit nga gipahigayon sa Cebu niadtong Mayo 8 hangtud 9, niining tuiga, tungod sa krisis sa Middle East nga nakaapekto sa suplay sa enerhiya, transportasyon, ug pagkaon sa rehiyon.
Matud ni Marcos, human sa konsultasyon sa mga lider sa mga nasud nga sakop sa ASEAN, nagkahiusa sila sa desisyon nga ipadayon ang summit tungod kay mas gikinahanglan ang panaghiusa ug koordinasyon sa panahon sa maong krisis.
Gipasiugda usab sa Presidente ang kamahinungdanon sa hiniusang paningkamot aron matubag ang mga hagit nga giatubang sa mga nasud sa rehiyon.
Lakip sa mga nag-unang gihisgutan sa summit ang suplay sa petrolyo ug mga produktong petrolyo, seguridad sa pagkaon, ug kaluwasan ug kaayohan sa mga migranteng mamumuo. (raniel mahunyag)
.jpg "Presidente Marcos, gipirmahan na ang EO alang sa saktong paggamit sa Artificial Intelligence sa nasud")
