Gipalig-on sa ASEAN ang bag-ong giya sa Labor Inspection sa Pangisda aron mapanalipdan ang mga mangingisda batok sa forced labor ug child labor. Hibal-i ang detalye.

Gipalig-on sa Association of Southest Asian Nation (ASEAN) ang bag-ong mga giya aron mapalig-on ang labor inspection sa sektor sa pangisda, lakip na ang mga operasyon sa kadagatan sulod sa exclusive economic zones sa mga miyembrong nasod.

Miingon si Departmnt of Labor and Employment (DOLE) Secretary Francis Tolentino nga ang mga giya gitumong sa pagpalambo sa pagmonitor sa kahimtang sa mga mangingisda ug pagpugong sa forced labor, child labor, ug uban pang paglapas sa katungod sa mga mamumuo sa industriya sa pangisda.

Gikinahanglan usab ang mas hugot nga koordinasyon tali sa mga ahensya sama sa Philippine Coast Guard ug sa ubang mga nasod sa ASEAN aron epektibong mapatuman ang mga inspeksyon sa mga barko nga naglihok tabok sa lainlaing hurisdiksyon.

Gilauman nga ang maong mga patakaran makapalig-on sa rehiyonal nga kooperasyon ug makahatag og mas maayong proteksyon sa mga mangingisda pinaagi sa nagkahiusang pamaagi sa pag-inspeksyon sa sektor.

Gipasiugda sa mga lider sa labor sector nga ang bag-ong guidelines usa sa labing mahinungdanong kasabutan nga nahimo sa miaging ASEAN labor inspection conference aron masiguro ang luwas ug patas nga pagpanarbaho sa industriya sa pangisda.