DTI hails the signing of the Digital Economy Framework Agreement in ASEAN as a 'big win' for MSMEs, expanding their market reach via digital platforms. Learn more!

Giila ni Department of Trade and Industry (DTI) Secretary Ma. Cristina Roque isip dakong kadaugan alang sa mga micro, small, and medium enterprises (MSMEs) ang pagpirma sa Digital Economy Framework Agreement (DEFA) sa ASEAN.

Matud ni Roque, dako ang ikatabang sa maong kasabutan sa gagmay ug kasarangang negosyo pinaagi sa pagpalapad sa ilang mga oportunidad sa pagbaligya sa mga produkto ug serbisyo sa rehiyon gamit ang mga digital platform.

Gipatin-aw niya nga mas dali ug mas barato ang pag-abot sa mga kustomer sa ubang nasud pinaagi sa digital space kaysa magtukod pa og pisikal nga mga tindahan sa matag merkado.

Dugang pa sa kalihim, dili lamang sa pagbaligya sa mga produkto magamit ang maong kasabutan, kondili makatampo usab kini sa pag-abli sa dugang oportunidad alang sa ubang industriya. (raniel mahunyag)