Subpoenas sent for VP Sara Duterte impeachment defense witnesses ahead of the November 19-20 trial. Learn about the allegations of unexplained wealth.

Napadala na sa Senado ang mga subpoena alang sa mga testigo nga gipanganlan sa defense team ni Vice President Sara Duterte isip pagpangandam sa pagpadayon sa impeachment trial sa Nobyembre 19 ug 20.

Gikumpirma ni Senate Secretary Renato Bantug nga napadala na electronically ang mga subpoena alang sa mga testigong gilaumang moatubang sa trial.

Pinaagi sa maong mga subpoena, pormal nga gipatawag ang maong mga testigo aron moatubang sa Senado ug maghatag og testimonya bahin sa mga isyung gituki sa impeachment proceedings.

Mahinumdoman nga una nang gipahayag ni Defense Counsel Michael Poa nga anaa sa walo hangtud 10 ka testigo ang ilang planong ipaatubang sa trial aron ipresenta ang panig sa Bise Presidente.

Kabahin kini sa pagpresenta sa depensa sa ilang mga ebidensya ug katin-awan isip tubag sa mga alegasyong anaa sa impeachment complaint batok kang Duterte nga dunay kalabotan sa unexplained wealth o walay katin-awang bahandi sa Bise Presidente. (raniel mahunyag)